Þessi sló í gegn hjá okkur, fyrir utan svolítið smjör er hann fullkominn til að vega upp á móti öllum steikunum.
Upprunaleg uppskrift hér.
6 msk smjör
2 meðalstórir laukar, fínt saxaðir
6 hvítlauksrif, fremur gróft söxuð
1 bolli kjúklingasoð
2 msk saxað ferskt rósmarín
500 g spakettí (á myndinni sem fylgir upprunalegu uppskriftinni er skrítnasta spakettí sem ég hef séð)
salt og pipar
nýrifinn parmaostur
Bræðið 4 msk af smjörinu á pönnu við vægan hita. Brúnið laukinn vel (um 10 mínútur). Bætið hvítlauk saman við og steikið áfram í 2 mínútur eða svo. Setjið kjúklingasoð og rósmarín saman við, hækkið hitann og sjóðið niður um þriðjung (5-6 mínútur hjá mér).
Á meðan, sjóðið spakettíið skv leiðbeiningum á pakka.
Þegar hvort tveggja er soðið, hellið pastanu í skál, setjið restina af smjörinu saman við ásamt parmaosti, hrærið þar til bráðið. Sósan fer saman við og njótið.
Gerast áskrifandi að:
Birta ummæli (Atom)
2 ummæli:
ég eldaði þetta um daginn, alveg dásamlegt! Fann reyndar ekkert ferskt rósmarín í búðunum hér í Berlín en notaði bara ótæpilega af þurrkuðu í staðinn. Mjög gott og ótrúlega drjúgt líka. Takk!
Frábært :)
Skrifa ummæli